MANILA, Philippines - Sinamantala ng ilang mga pulitiko ang pagdagsa ng daang-libong kalahok sa taunang Palarong Pambansa sa pangangampanya sa pagkakabit ng kanilang mga “campaign paraphernalias” sa mga daan patungo sa venue sa San Jose, Tarlac.
Mula sa mga pangunahing lansangang dinaraanan ng mga kalahok at mga manonood hanggang sa mismong venue ng Palarong Pambansa sa Tarlac Recreation Park nagkalat ang mga poster, banner at streamers ng mga kandidato sa lokal at pambansang halalan.
Sa opening day naman kamakalawa ng Palarong Pambansa ay nagkalat ang supporters ni Sen. Richard Gordon na kung saan namigay ng mga pamaypay na karton na may mukha at pangalan ng senador na kumakandidatong presidente.
Sa Tarlac National Highschool ay may isang malaking streamers si Liberal Party standard bearer Noynoy Aquino na bumabati sa mga kalahok ng Palarong Pambansa.