'Pag tinuloy ang 12% EVAT sa tollways, trak, bus welga

MANILA, Philippines - Ikinasa ng mga sa­mahan ng bus at trak sa bansa ang isang ma­lawakan at malakihang transport holiday kasa­ bay ng pagbaba­lagbag ng kanilang sasakyan sa may north at south Luzon expressways oras na ipatupad ng pamahalaan ang 12% EVAT sa toll fee.

Sinabi nina Orlando Mercado, Pangulo ng Liga ng Transportasyon at Operators sa Pilipinas (LTOP) at Homer Mer­cado, pa­ngulo ng Provincial Bus Operators Association of the Philippines (PBOAP), hindi dapat ipatupad ang 12 percent EVAT sa toll fee dahil wala namang na­ganap na public hearing ang Bureau of Internal Revenue (BIR) sa hanay ng transport groups at sa mga may ari sasakyan para maipatupad ito sa Abril 30.

Kinondena din ng naturang mga grupo ang Toll Regulatory Board dahil sunud-sunuran lamang umano ito sa sinasabi sa kanila ng BIR at hindi muna kumu­kun­sulta sa kanila.

Hindi anila napapa­nahon na maipatupad ang 12% EVAT sa toll fee dahil mahal ang bilihin sa ngayon bukod sa piyesa ng mga sasakyan at maintenance gayundin ng mga produktong pe­trolyo.

Takda silang mag­sampa ng TRO sa Korte Suprema oras na ma­ipatupad ng BIR ang na­turang hakbang.