'Hulihin ang mga umambus sa LP bet sa Quezon!'

MANILA, Philippines - Nanawagan ngayon si Liberal party senatorial candidate Atty. Alex Lacson sa agarang pag-aresto sa mga umambush sa kandidato ng kanilang partido pagka-mayor sa Lucena City. Ani Lacson, kailangang maglunsad ng hot pursuit operations ang pulisya upang agarang makamit ang hustisya ng muntik nang mapaslang na Pagbilao vice mayor at LP mayoral bet Apolinario “Apo” Martinez.

Sinabi ni Lacson na ika-apat nang biktima si Martinez ng animo’y lumalalang bilang ng poll-related violence sa lalawigan ng Quezon. Bago pa umano ang tangkang pagpatay, sinabi ni Lacson na nakatatanggap umano ng mga death threats si Martinez mula sa mga hindi napangalanang mga kaaway. 

Nangangamba si Lacson na lalala pa ang sitwasyong pampulitikal sa Quezon at maging sa buong bansa kundi kikilos ang PNP. Wala sa listahan ng hot spots ng PNP ang lalawigan ng Quezon. (Butch Quejada)