LUCENA CITY, Philippines - Nakaligtas sa tiyak na kapahamakan si Vice-Presidential candidate Sen. Loren Legarda at 3 kasamahan nito matapos mapilitan ang helicopter nitong mag-emergency landing dahil sa ‘zero visibility’ kahapon ng tanghali sa Sariaya town para sa isang political rally ng Nacionalista Party (NP).
Nagpapasalamat naman si Sen. Loren sa mabilis na desisyon ng kanyang piloto na huwag nang ituloy ang kanilang biyahe patungong Lucena.
Inamin ni Sen. Loren na ninerbyos siya habang hinahampas ng malakas na hangin ang sinasakyan nilang helicopter kahapon. Kasama ni Legarda ang kanyang 2 staff at mediaman na si Florante Rosales ng DZRH at ang piloto na si Capt. Joseph Espiritu at co-pilot nito.
Aniya, ito ang ikatlong pagkakataon na makaranas siya ng emergency landing. (Rudy Andal)