MANILA, Philippines - Ilang opisyal ng Manila City Hall ang kinasuhan ng mga pamilyang kasama sa mga nademolis ang bahay sa calle Bodega, Romualdez St., Ermita, Manila kamakailan.
Kasong grave coercion, grave abuse of authority, ignorance of the law, conspiracy, trespassing at iba pa ang isinampa nina ex-Barangay Chairwoman Erlinda Constantino at Buenconsejo Montierde laban kina City legal officer Atty. Renato dela Cruz, City Engineer Armand Andres, Joseph Bulanon, demolition team head, Joy Orense, mga opisyal ng Manila Poilice District station 5 at iba pa.
Inakusahan sila ng pag-abuso sa kapangyarihan dahil sa pagbalewala sa Ordinance No. 8041 na nagbibigay sa kanila ng awtorisasyon na gamitin ang may 300 metro kuwadro lupa bilang programa ng pabahay ng lokal na pamahalaan.
Inireklamo ng mga residente ang pagdemolis sa kanilang mga bahay nang walang sapat na relokasyon.
Nanatiling nasa kalsada nakatira ang may limang pamilya na apektado ng demolisyon noong Pebrero 26.