Gabinete merong rigodon

MANILA, Philippines - Nagpatupad ng pa­ni­ba­gong rigodon sa kan­yang Gabinete si Pangulong Glo­ria Macapagal-Arroyo ka­hapon.

Inanunsiyo niya sa kan­yang talumpati sa 2nd Go Negosyo Women Entrepreneurship Summit sa World Trade Cen­ter na ang bagong kalihim ng Department of Trade and Industry ay si Department of Education Secretary Jesli Lapus.

Si Lapus ang papalit kay outgoing DTI Secretary Peter Favila na itinalaga naman ng Pangulo sa Monetary Board ng Bangko Sentral ng Pi­li­pinas upang maging boses at kinatawan ng mga kababaihang negosyante.

Itinalaga naman ng Pa­ngulo si Presidential Assistant for Education Mona Valisno bilang bagong ka­lihim ng DepEd. (Rudy Andal)