2 mahistrado humabol sa Supreme Court nomination

MANILA, Philippines - Dalawa pang mahis­trado ng Korte Suprema ang humabol para mag-aplay sa babakantehing po­sisyon ni Supreme Court (SC) Chief Justice Rey­nato Puno na mag­ re­retiro sa darating na May 17.

Ito ay sina Associate Justice Arturo Brion na inendorso ng Philippine Constitution Association at Associate Justice Teresita de Castro na inendorso naman ni retired SC Jus­tice Minita Chico-Nazario.

Kapwa naman tinang­gap nina Brion at de Castro ang nominasyon ng wa­lang kondisyon.

Batay sa kanilang isi­nu­miteng liham sa Judicial and Bar Council (JBC) ay lubos silang nagtitiwala sa mga probisyong isinasaad sa Saligang Batas.

Una ng tinanggap ni SC Justice Renato Corona ang nominasyon para sa pagka-Punong mahistrado ng wala ring ibinibigay na kondisyon, habang sina Justices Antonio Carpio at Conchita Carpio-Morales naman ay tinanggap ang nominasyon sa kondis­yong sa susunod na pa­ngulo ng bansa isusumite ng JBC ang kanilang short­list.

Kasama naman sa mga outsider na nagsu­mite ng aplikasyon ay sina special prosecutor Dennis Villa Ignacio, dating Mala­bon RTC Judge Florentino Floro at Deputy Ombuds­man for Luzon Atty. Victor Fer­­nandez. (Gemma Garcia)