MANILA, Philippines - Pinagkalooban ng Amerika ng isang Weapons of Mass Destruction trailer van ang Bureau of Fire Protection upang mas maging epektibo ito sa paglaban sa terorismo.
Ayon kay C/Supt. Rolando Bandilla, acting director ng BFP-NHQ, kinilala ng United States’ Department of State/Diplomatic Secretary service ang kapasidad at potensiyal ng BFP bilang ahensiya ng gobyerno na unang rumiresponde sa tawag ng pangangailangan, kaya lubos din ang pasasalamat nito sa nasabing kagamitan dahil malaki ang kakulangan ng kagamitan ng BFP lalo na sa Emergency Medical Response and Special Rescue, bukod pa ang pagpigil sa sunog.
Nabatid na ang WMD trailer van ay kinapapalooban ng Self-Contain Breathing Apparatus (SCBA), Boots, hard hat, detection kit for chemicals, decontamination tent at decontamination pool na ginamit ng BFP Special Reaction Unit (SRU) sa pagresponde sa pinaniniwalaang pag-atake ng ANTHRAX sa US Embassy noong July 22, 2003. Ang mercury spill sa St. Andrews School, ammonia leak sa Pasig City at Glorietta blast noong 2007. (Ricky Tulipat)