Atienza pambato ng PMP

MANILA, Philippines - Inindorso kahapon ng Puwersa ng Masang Pilipino si dating Department of Environment and Natural Resources Secretary Lito Atienza na muling kumakandidatong alkalde sa Maynila.

Sinabi ni PMP Spokesman Ralph Calinisan na isang resolusyon ang pinagtibay ng kanilang executive committee na nag-eendorso sa kandidatura ni Atienza dahil kahalintulad ng sa kanilang partido ang hangarin ng huli na mapaunlad ang pamumuhay ng mahihirap na mamamayan.

Iginiit pa ni Calinisan sa isang media forum na ang pag-eendorso nila kay Atienza ay bilang pagtutuwid sa kamalian ng PMP nang iendorso nila ang ibang kandidato sa lunsod noong 2007.

Nilinaw naman ni Atienza na dati na silang magkaibigan ni dating Pangulong Joseph Estrada na lider ng PMP at kahit na maraming pagsubok na dumaan ay nanatili pa rin silang magkaibigan.