Pork ng absentee solons babawasan

MANILA, Philippines -  Ipinanukala kahapon ni Senate Majority Leader Juan Miguel Zubiri na bawasan ang pork barrel fund o priority develop­ment assistance fund ng mga senador at kongre­sista na laging absent sa session.

Pinuna ni Zubiri na laging problema ang quo­rum sa dalawang kapulu­ngan ng Kongreso dahil maraming mamba­batas ang hindi duma­dalo sa sesyon. Upang hindi anya maging prob­lema ang quorum bago ma­tapos ang sesyon ng 14th Congress, ipapanu­kala niya ang pagtapyas sa pork barrel at al­lowance ng mga mam­ba­­batas. 

Samantala, pinaba­bantayan ni Senate Mino­rity Leader Aquilino Pimen­tel Jr. ang babawa­sing pondo ng Malaca­ñang sa PDAF ng mga mamba­batas mula sa P1.51 tril­yong panuka­lang 2010 budget.      

Ayon pa kay Pimen­tel, dapat bantayan kung saan gagamitin ni Pa­ngulong Gloria Arroyo ang pondong balak kalta­sin sa pork barrel ng mga mam­ba­batas lalo pa’t nalalapit na ang elek­siyon.

Posible aniyang ma­gastos sa pangangam­pan­ya ang tatanggaling pondo sa PDAF ng mga mamba­batas. (Malou Escudero)