72 high school students positibo sa marijuana, shabu
MANILA, Philippines - Inilabas na ng National Reference Laboratory ng Department of Health ang resulta ng isinagawang random drug tests sa mga secondary o high school students ng public at private schools sa bansa.
Nabatid sa ulat na kumpirmadong 72 estudyante ang gumagamit ng iligal na droga partikular ng marijuana at metamphetamine hydrochloride o shabu.
Ito umano ay kumakatawan sa 0.24 porsyento o wala pang 1 porsyento ang gumagamit ng droga sa mga estudyanteng sumailalim sa random drug tests, bilang bahagi ng National Drug Education Program ng DOH at Department of Education.
Una umanong nakapagtala ng 90 estudyante na positibo sa paggamit ng iligal na droga mula noong Pebrero hanggang Disyembre 2009, sa isinagawang screening subalit nang isailalim sa confirmatory laboratory tests ay nakumpirmang 70 lamang ang positibo sa marijuana habang 2 lamang sa paggamit ng shabu. (Ludy Bermudo)
- Latest
- Trending
