144 OFW laya na sa Lebanon

MANILA, Philippines - May 144 overseas Filipino workers na napiit sa Lebanon ang tuluyan nang nakalaya at maka­kapiling na ang kani-ka­nilang mahal sa buhay ngayong bago mag-Ba­gong Taon.

Kinumpirma ng Department of Foreign Affairs sa isang pulong balitaan na makakauwi na ngayong Lunes at bukas mula sa dalawang batch ang 144 manggagawang Pilipino matapos ang malakas na representas­yon ng pama­halaan sa pamaha­laang Lebanese.

Ayon kay Foreign Affairs Undersecretary for Migrant Workers Affair Esteban Conejos Jr., umaabot sa halagang US$118,000 ang bina­yaran ng DFA para sa deployment cost, immigration fees at iba pang multa para sa pagpa­pauwi ng mahigit daang OFWs. (Ellen Fer­nando)