OFW hinatulan ng bitay sa Saudi

MANILA, Philippines - Isang overseas Filipino worker ang hinatulan ng parusang kamatayan sa Saudi Arabia dahil sa ka­song pagpatay.

Sa isang pulong bali­taan sa Department of Fo­reign Affairs kamaka­lawa, ki­numpirma ni DFA Under­secretary Esteban Cone­jos Jr. na sinenten­syahan ng bitay ng maba­bang korte sa Jeddah ang nasa­bing Pinoy na hindi muna pinangalanan.

Tiniyak naman ni Co­nejos na nagsasagawa na ng representasyon ang Philippine Consulate sa Jeddah upang iapela sa mataas na hukuman ng Saudi ang nasabing hatol.

Sa talaan ng DFA, uma­abot na sa 85 Pinoy ang hinatulan ng bitay at nasa death row sa iba’t ibang bansa, 15 sa mga hi­natulan ng bitay ay ka­song murder habang ang 70 ay pawang mula sa China na may kaug­nayan sa kasong pagpupuslit o pagdadala ng illegal drugs.

Sinabi ni Conejos na nakakaalarma na ang pagtaas ng bilang ng mga Pinoy na nahahatulan dahil sa mga kasong murder at drug smuggling. 

Sa batas ng China, ang mga hinatulan ng bitay ay binibigyan pa ng 2 taong reprieve o di muna ipa­tutupad ang pa­rusa sa loob ng dalawang taon simula ng ibaba ang kanyang sentensya. Ma­aari pa umanong magka­roon ng pag-asa o bu­maba ng hanggang 15 taong pag­kabilanggo da­hil sa ma­gandang ipa­kikita sa loob ng kulungan ng hinatulang Pinoy. Ito lang aniya ang posibilidad na paraan at ang pag-aalok ng blood mo­ney sa pamilya ng na­ging biktima sa krimen.

Noong Lunes ay nag­labas naman ang Emba­hada ng Pilipinas ng re­kord na nagsasabing na­itala nila ang 48 Pinoy na naha­tulan ng bitay sa China simula 2007 hang­gang 2009.

Ngayong taon lamang ay umabot sa 9 na Pinoy ang hinatulan ng bitay mula sa 183 Pinoy na nakapiit dahil sa drug related cases sa China. Karamihan sa mga ito ay kababaihan na nahuli sa ibat ibang paliparan sa China. Sila ay ginawang drug mules o taga-deliver ng droga ng international drug ring na ginawang transit point at bagsakan ng droga ang China.