Checkpoint inilatag na sa danger zone

MANILA, Philippines - Dahil sa lumalalang pag-alburoto ng bulkang Mayon, naglatag na ng checkpoints ang mga otori­dad sa itinuturing na “no-man’s land” o danger zones malapit dito.

Ayon sa National Disaster Coordinating Council (NDCC) ang grupo ay pina­ngunahan ng pinagsanib na task force na magsasagawa ng pagpapatrulya sa nasa­bing lugar upang tugayga­yan ang mga taong mapag­samantala at mga residen­teng ayaw magsipaglikas sa kanilang lugar.

Partikular dito ang Ba­rangay Quirangay sa Ca­ma­lig; Barangay Salvacion at Barangay Matnog sa Daraga; Barangay Mulad­bucad sa Guinobatan; at Barangay Buyuan sa Mata­nag, Legazpi City.

Nananatiling ipinag­ ba­­bawal ng NDCC ang six-kilometer permanent danger zone sa itinuturing na “no man’s activity” dahil kino­kon­sidera ng otoridad ang lugar hang­gang 8 km sa palibot ng bulkan bilang mapanga­nib na lugar.

Ba­gama’t ang abo ay hindi naman direktang ma­panga­nib sa residente, narito pa rin ang takot sa sandaling maging isa itong putik na nangyari nang sumabog ang Mayon noong 2006 kung saan daang tao ang natangay. Ricky Tulipat