'Maagang bumili ng ticket sa bus ngayong holiday season'

MANILA, Philippines - Hinikayat ng provincial bus firms ang mga pasa­hero na maagang bumili ng ticket sa pampa­sahe­rong bus partikular ang mga pamilya na uuwi sa kanilang lalawigan para sa Christmas vacation.

Ayon kay Engr. Homer Mercado, presidente ng Provincial Bus Operators Association of the Philippines (PBOAP), batay sa kanilang karanasan, mas marami ang mga pasahero na umuuwi sa kanilang lalawigan sa panahon ng Pasko kumpara sa ibang holidays sa bansa.

Gayundin ang Tollways Management Corp.(TMC) na opereytor ng North Luzon Expressway, Subic-Clark-Tarlac Expressway at Subic Freeport Expressway na base na rin sa bilang ng mga motorista na dumadaan sa expressway sa kapaskuhan ay mas marami sa mga umuuwing pasahero kumpara sa panahon ng Halloween at Holy Week break.

Nanawagan pa si Mer­cado sa mga pasahero na uuwi sa kanilang lalawi­gan na sa bisperas pa lamang ng Pasko sa December 24, araw ng Huwebes ay dapat may ticket na sila para sa mismong araw ng Pasko sa Biyernes ay nasa kanilang bahay na ang mga ito. (Angie dela Cruz)