'Martial Law iligal' -Senado

MANILA, Philippines - Pinagtibay kahapon ng Senado ang isang resolusyong nagsasaad na la­ bag sa Konstitusyon ang pag­dedek­lara ng Martial Law sa Maguin­danao.

Ginawa ng Senado ang desis- yon kahit inalis na ni Pangulong Gloria Arro­­yo ang Batas Militar sa lalawi-gan no­ong Sabado ng gabi.

Ipinahiwatig ni Senate Majority Lea­der Juan Miguel Zubiri na, kahit bina­wi ng Malacanang ang Proclamation 1959 o Batas Militar, maha­laga pa ring maihayag ang damda­min ng bawat mi­yembro ng mataas na kapu­lungan sa usaping ito.

Wala anilang merito ang katwi- ran ng Malacañang na hindi na gu-ma­gana ang hustisya at nagkalat   ang mga ar­ma­dong grupo sa Maguin­danao.

Inaasahang ia-adjourn ng Senate at House of Representatives kaha­pon ng hapon ang kanilang joint session na nag­lalayon sanang repa­su­hin ang pro­kla­masyon ng Batas Mili­tar sa Maguind­anao.

 Sinuportahan naman ng ilang mam­babatas sa Mindanao ang pag­ka­ka­­tang­gal ng Batas Militar sa Ma­­guinda­nao na tumagal lang ng halos walong araw.

Sinabi nina Maguindanao Rep. Simeon Datumanong at Zamboanga Rep. Antonio Cerelles na hindi na ka­ila­ngan para pairalin pa ang martial law sa Maguindanao.

Iginiit kahapon ng Malacañang    na nagdesisyon si Pangulong Arroyo na alisin ang Batas Militar sa Ma­guin­danao dahil nakamit na nito ang mit­hiin at hindi dahil sa takot na ma­pa­hiya ito sa Kon­greso at Korte Su­prema.

Samantala, isinampa kahapon ng National Bureau of Investigation sa Department of Justice ang kasong multiple murder laban sa 27 kataong sangkot sa Maguindanao Massacre. Kabilang dito sina dating Maguinda­nao Gov. Andal Ampatuan, Datu Unsay Mayor Andal Ampatuan Jr. at ARMM Gov. Zaldy Ampatuan. (Malou Escu­ dero, Rudy Andal, Butch Quejada at Ludy Bermudo)