Presong Sayyaf at MILF ililipat sa Metro Manila: iwas-takas!

MANILA, Philippines - Irerekomenda ng Philippine National Police     sa Department of Interior and Local Government na ilipat sa mga kulungan    sa Metro Manila ang   mga miyembro ng rebel­deng Moro Islamic Libe-ration Front at ng bandi­dong Abu Sayyaf na na­kaku­long sa iba’t ibang piitan sa Mindanao.

Ito ang nabatid kaha­pon sa tagapagsalita ng PNP na si Chief Supe-rintendent Leonardo Es­pina na nagsabing irere­ko­­men­­da nila ang hak­bang para hindi maulit ang nangyari kamaka­lawa nang lusubin ng MILF ang provincial jail ng Basilan at ita­kas ang may 31 miyem­bro nila na    nakakulong dito.

Sinabi ni Espina na hindi saklaw ng PNP ang Basilan Provincial Jail dahil hawak ito ng Bu-reau of Jail Management and Penology na nasa ilalim ng hurisdiksyon ng DILG.

Gayunman, dahil sa nakakaalarmang insi­dente, tungkulin naman ng PNP ang tumulong sa pangangalaga sa segu­ridad habang naglunsad na rin ng hot pursuit operations upang arestuhin muli ang 31 pugante na kinabibilangan ng mga high risk detainees ng MILF at Abu Sayyaf.    

Iniimbestigahan na rin ng Criminal Investigation and Detection Group ng Police Regional Office 9 ang tatlong jailguards kaugnay ng kapabayaan sa tungkulin sa naganap na Basilan jailbreak kung saan 31 preso ang naka­takas at ikinasawi ng isang jailguard, at isang raider habang isa pa ang sugatan kamakalawa.

Kabilang sa inimbes­tigahan sina Ju­maril Sali, Provincial Warden; Provincial Guard Sixto Diaz; at Provincial Guard Danie Cumbong na pawang naka-duty ng maganap ang jailbreak.

Hugas kamay kaha­pon ang MILF na nagpa­hayag na wala silang ki­nalaman sa pagkakalu­sob sa Basilan Provincial Jail at pagpapatakas sa 31 preso rito.

Iginiit ni MILF Spokesman Eid Kabalu na, kung tutuusin, isa lamang sa kanilang mga kasama-han ang nakakulong sa Basilan Provincial Jail.

Sa tala ng PNP, tatlo sa mga pugante ang tinu­ koy na MILF na sina HJ Hassan Asnawi, Jemar Tarang at Kamsa Limaya na pawang may kasong multiple murder at multiple frustrated murder, at kidnapping with serious   illegal detention.

Pabuya Pinalabas

Nagpalabas naman kahapon ng P2 milyon pa­buya ang Anti-Terrorism Council para sa sinu­mang makakapagturo upang madakip ang may 21 tero­ rista na kabilang sa 31 pre­ so na tumakas mula sa Basilan Provincial jail.   

Ayon kay Justice Un­dersecretary Ricardo Blan­caflor, tagapagsa­ -lita ng ATC, ang nasa­bing hala­ga ay para sa bawat isang miyembro ng Abu Sayyaf at MILF kaya nanganga­hulugan ito na mahigit pa sa P2 milyon ang maku­kuha sa sinumang maka­pagturo sa mga pugan­te. (May ulat ni Doris Franche)