MANILA, Philippines - Pinaiimbestigahan ng mga private emission testing stakeholders kay Land Transportation Office Chief Arturo Lomibao ang umano’y mabagal na pagre-release at pang-iipit ng mga authorization renewal ng mga PETC.
Dalawa sa tinutukoy na mga tao na nagpapahirap sa mga PETC ay isang alias “Cherry” na nakatalaga sa releasing ng mga authorization na garapalan kung mangotong at isang alias “Lawrence”.
Anila, mas maigting na pagbubusisi ang dapat na gawin ni Lomibao sa usaping ito ngayong hindi na nito itinuloy ang balak na pagkandidato bilang Kongresista sa Pangasinan.
Kinukwestyon ng naturang grupo kung bakit kahit na may mga nagreklamo na noon sa ilegal na gawain ng dalawang empleyado ay patuloy pa rin ang panggigipit ng mga ito sa mga papeles ng mga PETC. (Butch Quejada)