Metro nakaalerto!

MANILA, Philippines - Dahil sa posibilidad umano na lumusob ang mga tauhan at tagasuporta ni Datu Unsay Mayor An-dal Ampatuan Jr. na naka­de­tine ngayon sa National Bureau of Investigation (NBI) ay inatasan kaha-pon ni National Capital   Re­gion Police Office chief, Director Roberto Rosales ang limang District Directors ng NCRPO na tiyakin na hindi makakaabot sa Metro Manila ang kaguluhan. 

Inatasan din ni Rosa-les si Manila Police District C/Supt. Rodolfo Magtibay na makipag-ugnayan ito sa NBI kung kinakailangan na magdagdag ng bantay dito at magtayo ng check-points at makipag-ugna­yan sa lider ng mga Muslim communities para maka­kuha ng impormas­yon at agad na mapigilan ang na­kaambang kaguluhan.

Binalaan din ni Rosa­les ang publiko na panana­gu­tin sa batas kung maki­ki-sali sa kaguluhan para maipa­kita ang pagkadis­ma­ya sa takbo ng imbes-ti­gasyon.

Mahigpit na seguridad ang isinasagawa ngayon sa buong bisinidad ng NBI sa Taft Ave., Ermita, Maynila.

Nakakalat at nakaban­tay sa loob ng compoud ng NBI ang 30-armadong ahente nito habang sa la­bas naman ay ang mga tauhan ng Manila Police District at sinasabayan ng ronda 24-oras ng mobile car nito, upang tiyakin ang seguridad ni Ampatuan. Ito ay dahil si Ampatuan ang pangunahing suspek sa Maguindanao massacre kung saan 57-katao ang dinukot at pinatay.

Hindi naman pinaya­gan ng NBI na magamit ni Ampatuan ang mga pina­da­lang gamit sa kanya ng pamilya gaya ng kutson, electric fan at kumot.

Inamin din ng NBI na nahihirapan ang forensic experts nito na suriin at kilalanin ang mga bangkay ng biktima dahil nabubulok na ang mga ito bukod pa ang kakulangan sa kaga­mitan, kaya naman nagpa­dala ito ng karagdagang experto. Sa inisyal na pag­susuri, inilibing ng buhay ang mga biktima.