MANILA, Philippines - May 22 tripulanteng kinabibilangan ng 19 na Pilipino ang binihag ng mga piratang Somali makaraang harangin ang kanilang sinasakyang barkong pangkargamento sa Indian Ocean kahapon.
Ayon sa ulat ng European Union Naval Force, meron ding tatlong Griyego sa hinarang na barkong Filitsa.
Nabatid na ang barko ay sinalakay ng mga pirata may 400 milya sa northeast ng island nation ng Seychelles, habang patungo ito sa South African port sa Durban.
Sa kasalukuyan, umaabot na umano sa 12 barko ang hawak ng mga pirata na may sakay na mahigit sa 200 katao. (Mer Layson)