Balota sa 2010 elections may color coding

MANILA, Philippines - Hindi lamang makaba­ gong makina ang gagamitin ng Commission on Elections sa susunod na halalan kundi maging ang mga colored ballots upang maiwa­san ang over votes na ka­dalasang nangyayari sa panahon ng eleksyon at bi­langan kung saan mara­ming botante ang nagkaka­mali sa pagsusulat ng pa­ngalan ng ibinoto nilang kandidato.

Ayon kay Comelec Spokesman James Jime­nez, lalagyan ng itim na boarders ang para sa mga Presidential candidates, green sa Senatorials at asul naman sa party-list. Ang tatlong nabanggit na kulay din ang gagamitin para sa iba pang section sa balota gaya ng sa Kongresista, alkalde at iba pa.

Sinabi ni Jimenez na malaking tulong ang pag­lalagay ng colored borders sa bawat section ng balota para alam ng mga botante kung para sa anong posis­yon ang kaniyang mina­mar­kahan.

Kung magkakaroon ani­ya ng over vote o soso­bra sa itinakdang bilang ang iboboto ng mga bo­tante, ay hindi bibilangin ng makina ang buong section kung saan nagkamali ang botante.

Ayon kay Jimenez, wa­lang dagdag na gastos ang paglalagay ng colored borders sa mga balotang gagamitin sa 2010. (Doris Franche)