GMA bilang bise, minaliit ng mga senador

MANILA, Philippines - Minaliit lamang ng ilang senador ang ulat na posi­bleng tumakbong vice president si Pangulong Gloria Macapagal-Arroyo ka-tandem ni Defense Secretary Gilbert “Gibo” Teo­doro kung saan po­sibleng makakala­ban niya sa pagka-bise pre­sidente sina Sen. Mar Ro­xas at Sen. Loren Legarda.

Ayon kay Senate Minority Leader Aquilino Pimentel Jr., formula ng ‘disaster’ o ka­pahamakan ang gaga­wing pagtakbo ni Arroyo bilang bise pre­sidente sa eleksiyon sa susunod na tao.

Ayon naman kay Ro­xas, tiyak na mapapahaba pa ang honeymoon nila ng asawang si Korina San­chez kung totohanin ni Arroyo ang pagtakbong bise pre­sidente dahil mas ma­giging madali ang la­ banan.

Ayon pa kay Roxas, walang dapat katakutan sa pagkandidato ni Arroyo dahil hindi naman ito ma­tuwid at sumisimbolo sa kabaluk­tutan.

Duda naman si Senator Francis “Kiko” Pangilinan kung totoong tatakbong vice president si Arroyo dahil negatibo ang ratings nito.

Sinabi naman ni Senator Francis Escudero na isang kalabisan at mali­wanag na pagkagahaman sa kapangyarihan sakaling tototohanin ni Arroyo ang ulat na tatakbo siyang vice president.

Pero, ayon sa election lawyer ni Gng. Arroyo na si Atty. Romulo Macalintal, walang ligal na balakid para kay Pangulong kung saka­ling magdesisyon itong tumakbong kon­gresista o bise-presidente dahil ang nakalagay sa Saligang Batas ay hindi lamang siya puwede mu­ling tumakbong presi­dente. (Malou Escu­dero at Rudy Andal)