MANILA, Philippines - Nagtalaga kahapon ang Malacañang ng limang bagong mahistrado ng Court of Appeals (CA).
Sa transmittal letter na pinadala ni Executive Secretary Eduardo Ermita sa tanggapan ni Supreme Court Chief Justice Reynato Puno, kabilang sa mga itinalaga ang mga sumusunod na hukom: Edwin Sorongon, Ramon Cruz, Agnes Carpio, Angelita Gacutan at Socorro Inting.
Ang limang bagong justice ay ipakakalat sa mga sangay ng CA sa Maynila, Cagayan de Oro at Cebu.
Samantala ngayong araw ang pormal na pagbibitiw sa puwesto si SC Associate Justice Leonardo Quisumbing matapos na sapitin niya ang edad na sitenta. (Gemma Garcia)