Mag-ingat sa rolling, floating, flying coffins

MANILA, Philippines - Pinag-iingat ni Sena­dor Bong Revilla ang pub­liko na magbibiyahe nga­yong Undas laban sa mga tinatawag na “rolling, floating at flying coffins”.

Ayon kay Revilla, da­pat tiyakin ng mga ahen­siya ng gobyerno ang ka­ligtasan ng mga pam­pub­likong sasakyan na mag­hahatid sa mga tao na bibiyahe para umuwi sa kani-kanilang mga pro­binsiya para gunitain ng Undas, dahil nagiging mapagsamantala ang ilang mga transport companies dahil sa dami ng mga pasahero.

“Kung kinakailangan ay isusulong ko ang kan­selasyon ng prangkisa ng mga awtorisadong public transportation com­panies na mapapatunayang lu­ma­­bag sa mga alintun­tunin. Hindi natin kaila­ngan ng mga rolling coffins, floa­ting coffins, at flying coffins nga­yong Undas,” ani Re­villa.

Kaya naman inatasan ni Revilla ang Philippine National Police at Department of Transportation and Communication na ti­yakin ang seguridad at ka­ligtasan ng mga biya­hero at paigtingin ang kam­­­panya laban sa mga colorum buses.

Binalaan din ni Revilla ang mga publiko na hu­wag maging matigas ang ulo at di dapat sumakay sa mga barko o anumang sasakyan kung ito ay over­loaded para makai­was sa aksidente.(Malou Escu­dero)