18 tons smuggled onions nadiskubre sa ice plant

MANILA, Philippines - Nadiskubre ng Presidential Anti-Smuggling Group (PASG) ang may 18 toneladang smuggled onion sa isang cold storage plant sa Tondo, Maynila.

Ayon kay PASG chief Undersecretary Antonio Villar Jr., aabot ng P5 mil­yong smuggled na sibuyas mula sa Malaysia at Holland ang nadiskubre sa Luz 1 Cold storage and Ice plant sa San Rafael village, Simeon de Jesus St. Balut, Tondo.

Noong ininspeksyon ng PASG ang nasabing storage na inoukupahan ng Lawrence Printing Services na pag-aari ni Law­rence Tiu Gatchalian ay wa­lang nakitang karga­mento dito subalit ng big­laang inspeksyunin ito kahapon ni PASG senior technical assistant Efren Cura ay natuklasan ang nasabing mga sibuyas.

Nabigo naman si Gat­chalian na magpakita ng kanyang import permits para sa nasabing farm products.

Nagreklamo ang mga miyembro ng Katipunan ng mga Samahan ng Magsisi­buyas ng Nueva Ecija dahil sa mala­wa­kang smuggling ng sibu­ yas na nagpapa­bagsak sa kanilang sector. (Rudy Andal)