CCTVs walang silbi!

MANILA, Philippines - Kinastigo ni Gabriela party-list Rep. Liza Maza ang kawalang silbi ng mga Closed Circuit Television Cameras (CCTVs) sa ma­ tataong lugar sa Metro Manila dahil sa ka­biguan nitong mapigilan ang na­kawan sa isang tindahan ng mamahaling relo sa Greenbelt 5 noong Linggo.

Sinabi ni Maza na ang naganap na robbery sa Waltermart kamakailan at ang pagtaas ng krimen sa Maynila ay hudyat na ma­hina ang liderato ni National Capital Regional Police Office Director Chief Supt. Roberto Ro­sales.

Dismayado ang mam­ba­batas kung papaano rumisponde at hinawa­kan ng NCRPO ang na­sabing insidente. “Pa­nahon nang tignan ang performance ni Rosales,” ani Maza. “Pa-pogi” tactic lamang ni Ro­sales ang kanyang paha­yag na tukuyin ang Alvin Flores Gang bilang nasa likod ng nasabing nakawan sa Greenbelt 5.”

“Nagpapakita lamang ito ng mahinang pamu­muno ni Rosales. Sina­sabi nya na pikon na pi­kon na sya sa grupo na yan, and yet di nila matu­koy o ma­pangalanan sinu-sino yung mga nasa likod mismo ng pang­hohold-up sa mga mall,” pahayag ni Maza.

“Milyunes ang intelligence funds. Anong gi­nagawa nila? Inutil ang police forces kaugnay ng pag­ huli sa mga suspek sa Greenbelt 5,” sabi pa ng kongresista.

Pinuna rin ni Maza na tila abala umano si Rosa­les sa kanyang ambisyon na maging PNP chief kaya hindi niya natututu­kan nang maigi ang peace and order sa Metro Manila.