300 preso nagdonasyon sa Ondoy victims

MANILA, Philippines - Nakipagdamayan na rin ang may 300 preso ng New Bilibid Prison sa mga biktima ng bagyong On­doy.

Nabatid kahapon kay NBP Chaplain Fr. Bobby Ola­guer na namigay ng mga damit at pagkain ang mga preso sa mga resi­dente ng Barangay Pob­lacion, Muntinlupa City na sinalanta rin ng bagyo.

At sa halip kainin, idi­nonasyon din ng mga bi­langgo ang rasyon nilang almusal na tinapay na gawa ng mga estudyante ng baking school ng NBP.

Ipinamahagi din ng mga preso ang kanilang mga kumot at kulambo upang magsilbing protek­siyon ng mga apektadong residente.

Ayon naman kay NBP Superintendent Armando Miranda, mahigit 20,000 lata ng sardinas na nag­mula sa pondong naipon mula sa hindi nagalaw na rasyon sanang pagkain ng mga bilanggo ang kanilang ipinamahagi sa mga biktima ng delubyo.

Isinagawa ng mga preso ang fasting noong Setyembre 28 na naging ideya at pinangunahan ng “Council of Elders” sa loob ng pambansang ku­lungan at inayunan na­man ng lahat ng mga bilanggo. (Doris Franche at Danilo Garcia)