Pinoy dapat magnilay sa sunud-sunod na kalamidad

MANILA, Philippines - Dapat umanong mag­nilay-nilay ang mga ma­mamayan upang mabatid ng mga ito ang tunay na dahilan kung bakit nagka­karoon ng sunud-sunod na kalamidad na nananalasa sa bansa, na habang tu­matagal ay patuloy na du­marami at mas nagiging mapaminsala.

Ayon sa Catholic Bishops’ Conference of the Phi­lippines (CBCP), dapat na tanungin ng mga ma­ ma­ma­yan ang kanilang sarili kung posibleng ang mga kalami­dad na naga­ganap ngayon sa Pilipinas tulad ng mga bagyo, baha, pag­sabog ng mga bulkan, at iba pang kri­sis, ay mga “babala” ng Pa­nginoon kaugnay sa kinabu­kasan ng Pilipinas at sa ka­hihi­natnan ng nalalapit na halalan.

Sa isang pastoral letter na nilagdaan ni CBCP President at Jaro, Iloilo Archbishop Angel Lagda­meo, sinabi nito na dapat ring itanong natin sa ating sarili kung may koneksi­yon ba ang mga korap­syon at kasinungalingan, pagka­wala ng integridad at lu­malalang pagkasira ng moralidad at moral values ng kasa­lukuyang pama­halaan, sa mga nagaganap na kala­midad sa bansa.

Iginiit rin naman ni Lag­dameo na ang mga pinsala ng dulot ng bagyo ay hindi dapat na tingnan ng mga tao bilang parusa ng Pa­nginoon, at sa halip ay bunga ng moral evil at pag­sira ng tao sa daigdig na likha ng Diyos.

Kasunod nito, umapela rin naman ang CBCP, hindi lamang ng materyal na tulong para sa mga biktima ng bagyong Ondoy, kundi maging ng panalangin, repentance at penance. (Mer Layson)