'Pepeng' nasa bansa na

MANILA, Philippines - Nasa bansa na ang bagyong Pepeng at nag­babanta sa Surigao City.

Alas-5 ng hapon ka­ha­pon, namataan ng PAGASA si Pepeng sa layong 940 kilometro silangan ng Surigao City taglay ang pinakamala­kas na hanging 120 kilo­metro bawat oras malapit sa gitna at may pagbugso hanggang 150 kilometro bawat oras.

Si Pepeng ay patuloy na kumikilos sa kanluran hilagang kanluran sa bilis na 22 kilometro bawat oras.

Bunsod nito, ang Northern Luzon, Visayas at Mindanao ay patuloy na makakaranas ng mga pag-uulan at ang nala­labing bahagi ng bansa ay maulap ang kalangitan na may kalat-kalat na pag ulan. Ang karagatan ay katamtaman hanggang sa maalon.

Sinabi ni PAGASA director Prisco Nilo na nga­yong may bagyo na na­man ay dapat na mag­handa ang bawat isa upang hindi na maulit ang matinding epekto ng kalamidad.

Hindi niya anya ma­sasabi kung matinding ulan ang dala ni Pepeng. (Angie dela Cruz)