MANILA, Philippines - Mahigit sa 5,000 manggagawa, truck drivers, pe dicab, vendors at mga residente sa pantalan ang nagsagawa kahapon ng kilos protesta mula sa Pier 16 hanggang sa harapang tanggapan ng Philippine Ports Authority (PPA) sa Port Area, Maynila, para ipakita ang kanilang galit at pagtutol sa implemen tasyon ng Manila North Harbor Modernization Project.
Ang mga raliyista ay mga miyembro at kinata wan ng apat na malalaking grupo na tutol sa proyekto na pinangungunahan ng grupong United Filipino Seafarers (UFS) Pagkakaisa ng mga Manggagawa sa Pantalan, Nagkakaisang Manileno Tungo sa Pagbabago at North Harbor Multi-Purpose Vendors Cooperative.
Ayon kay Engr. Nelson Ramirez, pangulo ng UFS, ang isinagawang kilos-protesta ay patunay lamang na libo-libo ang tumututol sa Manila North Harbor Modernization Project na malapit ng i-award ng PPA sa nag-iisang project bidder na kumpanya o consortium.
Hinamon ni Ramirez ang isang nagpapakilalang grupo ng Alyansa na nagpalabas ng anunsiyo sa ilang pahayagan noong isang linggo na dumidepensa sa Manila North Harbor Modernizartion Project na lumabas ng lansangan at ipakita kung mayroon nga silang mga miyembro.
“Ang naturang grupo ng Alyansa ay bunga lamang ng malikot na imahinasyon o grupong desperadong nagmamadaling makopo ang Manila North Harbor Modernization Project, kung totoong ang kanilang grupo ay dapat lumabas din sila sa lansangan at sabihin ang kanilang posisyon, tulad ng ginawa namin,” sabi ni Ramirez. (Butch Quejada)