Jamby at Ping dapat mag-sorry kay Villar

MANILA, Philippines - Walang Double Insertion. Walang Diversion.

Ito ang kinahinatnan sa pagdinig ng Senate Com­mit­tee of the Whole nang maipaliwanag ni Anastacio Adriano, dating chief operating officer ng Adelfa Pro­per­ties, na walang bahid ng ano­malya ang transaksyon sa C5.

Dahil dito, diniin ni Na­cionalista Party Spokesperson Gilbert Remulla na masyado nang matagal ang pagdinig ng Senado sa naturang usapin na isinasangkot kay Senador Manuel Villar kaya dapat tapusin na ito.

“Isang taon na ang nakaraan ngunit wala pa rin masungkit na matibay na ebidensiya ang tandem nina Senator “Jamby” Ma­drigal at Ping Lacson,” sabi pa ni Remulla.

Dagdag pa ni Remulla, ang hearing ng C5 sa kasalukuyan ay mukhang nilalangaw na dahil sawa na ang tao at maging mga ibang senador na pag-usapan ang isyu.

“Si Senator Ping at Jamby na lang ang pumi­piga sa C5. Mas marami pa ang upuang bakante kaysa sa mga sumusubay­bay sa session hall. Dahil wala na­ mang mapatuna­yan sila Senador Ping at Jamby, dapat mag-sorry na sila kay Sen. Villar at magpakum­baba,” ani Remulla. 

Ayon naman kay Adel Ta­mano, isa ring tagapag­salita ng NP, malinaw na ang pinagumpisahan at pagtatapusan ng C5 issue ay isang political demolition job lamang para sirain ang magandang pangalan at record ni Villar na pa­ngulo rin ng NP. (Butch Quejada)