Fojas idinepensa ng PNPA alumni

MANILA, Philippines - Nainsulto umano ang ilang alumni ng Philippine National Police Academy nang malaman na pinaga­ litan ang isa sa kanilang ka­samahang produkto ng PNPA.

Pinalagan ng ilang PNPA alumni ang report na sinabon ni National Capital Regional Police Office Chief Supt. Roberto Rosales si Manila Police District-Intelligence Chief Supt. Ernesto Fojas dahil sa breach of security nang malusutan ng mga militanteng estudyante ang Gate 7 ng Malacanang dalawang linggo na ang nakalipas.

Iginiit ng mga miyembro ng PNPA Makatarungan Class 1984 na isang competent officer si Fojas at ka­kaunti na lang ang idealis­tang tulad nito na produkto ng kanilang akademya. Sinabi ng grupo na dapat ipinagtatanggol ni Rosales ang sarili niyang mga ta­uhan at hindi sisihin.

Nagsimula bilang ten­yente si Fojas nang maita­laga na sa Western Police District Training Division. Naging hepe din siya ng City Hall Detachment at ng mga Station 3, 2 at 7 ng WPD.

Dumanas ng mild stroke sa edad na 41 subalit patu­loy siyang nagsilbi sa pu­lisya at bago siya maita­laga bilang MPD-DID chief, na-assign siya bilang Secretariat to the Chief Directorial Staff, admin officer of the Deputy District Director for Operations, Chief Personnel Division and Chief Logistics sa taong 2002-2009. (Ludy Bermudo)