Teodoro 'di pa nagre-resign sa NPC?

MANILA, Philippines - Hindi umano totoong nag-resign si Defense Secretary Gilbert Teodoro sa Nationalist People’s Coalition na itinayo ng kanyang sariling tiyuhin na si Eduardo ‘Danding’ Cojuangco.

Ayon sa isang mapag­kakatiwalaang source mula sa loob ng Lakas-Kampi-CMD, pansaman­talang naka “on-leave” lamang daw ang kalihim sa NPC matapos itong kunin ni Pangulong Arroyo bilang miyembro ng kanyang ga­ binete.

Si Teodoro ay dating pre­­sidente ng NPC, isa sa mga miyembro ng tinata­wag na rainbow coalition ng administrasyon.

Itinuturing pa rin uma­no siyang “outsider” ng ilang miyembro ng Lakas-Kampi-CMD dahil sa hindi malinaw na direksiyon ng kanyang katapatan sa partido.

Matatandaang umani ng batikos mula mismo sa mga miyembro ng Lakas ang naging pag­babanta ng kampo ni Gibo na aalis siya sa partido kapag hindi uma­no siya ang pinili ni Pangu­long Arroyo para maging standard bearer ng administration party. (Angie dela Cruz)