Milyong tao daragsa

MANILA, Philippines - Milyong tao ang ina­asahang dadagsa sa li­bing ni dating Pangulong Cora­zon Aquino pagkata­pos ng isang misa sa Manila Cathedral nga­yong umaga.

Ililibing si Aquino sa Manila Memorial Park sa Paranaque. Itatabi siya sa puntod ng asawa niyang si dating Senador Benig­no “Ninoy” Aquino.

Naunang nakiusap ang pamilya ni Aquino sa pub­liko na huwag nang suma­ma sa libing dahil hang­gang 200 katao lang ang kasya sa musoleo na pag­lalagakan ng labi ng dating pangulo. Maaari na lang anila na mag-abang ang mga tao sa mga kal­sadang daraanan ng sa­sakyang maghahatid kay Aquino sa semen­teryo.

Tiniyak naman kaha­pon ng Malacañang na makiki­ramay si Pangu­long Arroyo sa pa­milya Aqui­no.

Gayunman, ayon kay Secretary to the Cabinet Silvestre Bello III, wala pang pinal na desisyon kung sisilip lamang ang Pangulo sa burol ni Aquino o makikipaglibing ito.

Nasa Amerika pa ang Pangulo habang isinu­sulat ito pero inaasahang dara­ting siya ngayong mada­ling-araw.