Loren 'di kailangan ng first gentleman

MANILA, Philippines - Inamin kahapon ni Senator Loren Legarda na ‘zero’ ang kanyang lovelife at hindi umano niya kailangan ng first gentleman para patuna­yan na maaari siyang ma­ging presidente ng bansa.

Ayon kay Legarda, hindi naman sinasabi ng batas na kailangang may asawa o first gentleman ang isang babaeng tatak­bong presidente.

Sa ngayon aniya ay wala siyang lovelife kahit pa iniintriga siya ng media na may mga nanlili­gaw sa kanya.

“Kahit na anong ipilit ng media, wala talaga akong lovelife,” sabi ni Legarda sa panayam ng “Escalera” sa DZXL.

Pero wala naman ani­yang dahilan para isara niya ang kanyang puso ba­ga­man at sa nga­yon ay wala ta­laga siyang pana­hon sa pag-ibig dahil mas pinagtu­tuunan niya ng pan­sin ang problema hindi lamang sa Pi­lipinas kundi maging sa buong mundo dahil isa siyang United Nation Ambassador for climate change.

Idinagdag rin nito na ka­ hit wala siyang lovelife, ma­saya pa rin siya dahil na­ ka­ka­­sama niya ang kan­yang mga anak. (Malou Escudero)