Recount minamadali na ng Comelec

MANILA, Philippines - Aapurahin ng Commission on Elections ang pagsasagawa ng recount dahil sa nalalabing sam­pung buwan na lamang ng termino ni Pampanga Governor Ed Panlilio.

Ito’y kaugnay ng recall petition ng talunang kan­didato sa pagka-go­ber­nador na si Lilia Pi­neda, kasunod ng inila­bas na kautusan ng Korte Supre­ma na ituloy ang recount.

Ayon kay Comelec chairman Jose Melo, agad niyang pasisimulan ang recount ng boto sa 2007 gubernatorial race sa la­lawigan dahil 10 bu­wan na lamang at ma­wa­walan na ng bisa ang pi­nag­tata­lunang puwesto at 2010 elections na.

Kabilang naman sa posibleng makaantala pa sa proseso bago pa ang writ of execution ng mana­nalo sa recount ay opo­sisyon ng matatalo na po­sibleng idulog muli sa Korte Suprema.

Kabilang sa magsa­sa­gawa ng recount ay sina Comelec  Second Divison Commissioners Nico­demo Ferrer, Elias Yu­soph at Lucenito Tag­le. (Ludy Bermudo)