PASG, FFCCII, FPI nagkasundo vs smuggling

MANILA, Philippines - Isang kasunduan ang lalagdaan ng Presidential Anti-Smuggling Group (PASG) at Federation of Filipino-Chinese Chamber of Commerce and Industry Inc. (FFCCCII) upang lu­bu­sang labanan ang smug­gling.

Ito ang napagkasun­duan sa pulong nina PASG chief Undersecretary Antonio Villar Jr. at FFCCCII president Alfonso Uy ga­yundin ang mga opisyal ng Federation of Philippine Industries (FPI).

Sinabi ni Usec. Villar, napagkasunduan ng PASG at FFCCCII na pagtulu­ngang wasakin ang smuggling activities sa bansa gayundin ang ginagawang extortion ng nagpapanggap na miyem­ bro ng PASG.

“We are now in the process of finalizing the contents of the MOA. We will come out with an organized plan to help each other in ferreting out smugglers to protect the local industries and at the same time shield the Filipino-Chinese traders from impostors or possible bad eggs in the PASG that will extort money from them,” wika pa ni Jesus Arranza, pangulo ng FPI.

Nakasaad din sa Me­morandum of Agreement na magtatakda ng kina­tawan sa PASG ang FFCCCII upang bantayan ang mga aktibidad nito.

Idinagdag pa ni Aran­za, ramdam na ramdam ng mga smugglers ang gina­gawang paglaban ng PASG sa smuggling. (Rudy Andal)