Devanadera aalisin sa DOJ?

MANILA, Philippines – Tinawanan lang ni Justice Secretary Agnes Devanadera ang mga balita na aalisin na siya sa Department of Justice (DOJ).

Ayon kay Devana­dera,noong Martes sa ginanap na Cabinet meeting ay wala namang na­banggit ang Pangulo na magkakaroon ng rigodon sa hanay ng Gabinete.

Hanggang kanina ani­ya ay tatlong beses siyang tinawagan ni Pangulong Arroyo ngunit wala naman itong nabanggit sa halip ay binati lamang siya at ang DOJ dahil sa pagkaka-convict sa operator ng Pasig shabu tiangge na si Amin Imam Boratong at asawa nitong si Sheryl Molera.

Sinabi pa nito na sa­kali man alisin na siya sa DOJ ay wala namang problema dahil ang Pa­ngu­lo naman ang nagde­desisyon hinggil sa mga ganitong bagay.

Kung sa tingin aniya ng Pangulo ay mas magi­ging epektibo siya sa ibang gawain ay naka­handa siyang tanggapin ito.

Una ng napaulat na itatalaga ng Pangulo si Defense Sec. Gilbert Teo­doro sa DOJ habang si dating Presidential Peace Adviser Gen. Her­moge­ nes Esperon ang papalit sa Defense. (Gemma Amargo-Garcia)