'Overstaying' na DPWH official pinasisibak

MANILA, Philippines - Pinasisibak ni Sena­dor Ramon “Bong” Re­villa kay Public Works and Highways Secretary Her­mo­genes Ebdane Jr., ang isang opisyal nito dahil sa illegal na pananatili sa kanyang posisyon.

Ayon kay Revilla, da­pat ng tanggalin bilang Officer-in-Charge ng Department of Public Works and Highways -Project Management Office for Special Buildings at pagiging Executive Director ng National Building Code Development Office si Architect Emmanuel Cuntapay dahil tatlong taon na ito dito at malinaw na nilalabag nito ang DPWH-Department Order 114.

Sa ilalim ng nasabing batas, nililimitahan lang sa isang taon ang pana­natili ng isang OIC, bu­kod pa sa kawalan umano nito ng career service executive eligibility noong panahon na iti­na­laga ito ni Sec. Ebdane noong September 5, 2005.

Hindi rin aniya kuwa­lipi­kado si Cuntapay bi­lang exe­cutive director ng NBCDO dahil tanging ang mga third level career service executive lang ang da­pat na maitalaga na mataas sa posisyon ng division chief.

Bukod kay Ebdane, hi­ niling din ni Revilla kay Pa­ngulong Gloria Arroyo ang agarang pagpapa­sibak kay Cuntapay. (Rudy Andal)