A(H1N1) pumalo na sa 861

MANILA, Philippines - Lumobo na sa 861 ang kaso ng A(H1N1) sa bansa makaraang ma­dag­dagan ng 134 kum­pirmadong ba­ gong kaso sa loob lamang ng 24 oras.

Bunsod nito, pang-10 na ang Pilipinas sa mga bansang may AH1N1 ha­bang ikalawa sa may pina­kamataas na kaso ng na­sabing flu virus sa South East Asia, kasunod ng Thailand.

Gayunman, muling igi­niit ni Health Secretary Francisco  Duque III na hindi pa rin dapat maba­hala ang publiko dahil kahit ang mga bagong kaso ay pa­wang mild cases lamang na natutu­gunan naman ng ibinibigay na treatment.

Sa bagong 134 kaso, 60 ang lalaki at 74 ang ba­bae, na edad ng 2 hang­gang 58. Ang 26 dito ay dayuhan habang 118 ang Pinoy at 20 sa kanila ang may history of travel sa mga bansang apek­tado ng novel virus.

Binigyang-diin din ni Duque na kahit patuloy sa paglobo ang A(H1N1), ba­wat araw din ay marami ang na­kakarekober sa sakit o kabuuang 634 pasyente ang gumaling simula nang unang ma­ireport ang virus sa Pi­lipinas noong Mayo 21. (Ludy Bermudo)