Caloocan, Top Taxpayer Awardee

MANILA, Philippines – Iginawad ng Bureau of Internal Revenue sa Ca­loocan City ang Top Taxpayer Awardee sa government category dahil sa pagiging “on–time” at ma­la­king halaga ng pagba­bayad ng buwis.

Ikinagalak ni Caloocan City Mayor Recom Echi­verri ang nasabing para­ngal kung saan mula ng maging alkalde ito ay umaabot sa P8M ang buwis na isinusumite nito kada buwan at nabawasan na rin ang utang ng pa­mahalaang lungsod ng makabayad ito ng P74M mula sa P168M na utang na minana pa nito mula sa dalawang nagdaang administrasyon.

Patuloy naman nagbi­gay ng kanilang suporta ang local na pamahalaan sa mission at vision ng BIR sa pamamagitan ng pag­su­sulong nito ng tax collection para sa nation building.

Patuloy din na nag­hahanap ng paraan ang tanggapan ni Echiverri upang lalong mapagbuti ang tax collection kada taon sa kabila ng narara­nasang global recession na nakaapekto sa mga sektor na nagbabayad ng malalaking buwis.