6-milyong botante inalis ng Comelec

MANILA, Philippines – Tuluyan nang nilinis ng Commission on Election (Comelec) ang lista­han ng mga botante sa buong bansa bilang ba­hagi ng paghahanda sa May 2010 elections.

Ayon sa Comelec, uma­­abot sa 6 milyong botante sa buong bansa ang kani­lang inalis sa listahan na hindi na aktibo pa sa pag­boto.

Kabilang sa mga inalis sa listahan ay ang mga botanteng namatay na, may double registration, mga nawalan ng Filipino citizenship at hindi naka­boto sa dalawang magka­sunod na eleksyon.

Nangangahulugang ang hindi bumoto sa May 2007 national election at October 2007 barangay election ay wala sa lista­han ng voter’s list ng Comelec. (Doris Franche)