Tension namayani

Koronadal City, Philippines – Nag­karoon ng tensyon sa mga ralista at pulisya ha­bang nagtatalumpati ka­hapon si Pangulong Glo­ria Macapagal-Arroyo sa pagdiriwang ng ika-111 anibersaryo ng kalayaan sa Rizal Park ng lunsod na ito.

Tinangka ng may 100 ralista na mula sa progre­sibong grupo na makala­pit sa pinagdarausan ng pagdiriwang habang nag­tatalumpati ang Pangu­lo subalit pinigilan sila ng dispersal team ng Philippine National Police.

Hinarang ang mga ralista ng PNP sa may Alunan Avenue hanggang sa magkaroon ng sagu­paan sa pagitan ng grupo at mga awtoridad.

Napilitan ang mga pulis na puwersahang bu­wagin ang grupo upang hindi makalapit sa pinag­darausan ng programa hanggang sa magkagulo at masaktan ang ilang ralista. (Rudy Andal)