Lakas-Kampi pormal nang nagsanib

MANILA, Philippines – Tuluyan nang nagsanib kahapon ang partidong Lakas at Kampi na nag­bigay daan sa bagong political party na Lakas-Kampi CMD kung saan in­di­kas­yon ito na kontrolado na nila ang mayorya sa mga incumbert local officials na gagamitin bilang makinarya sa 2010 elections.

Ayon kay Political Adviser Gabriel Claudio na siya ring chairman ng binuong National Unification and Consolidation Committee, nilagdaan na unanimously ang bagong constitution and by-laws ng partido.

Dahil dito, awtomati­kong si Pangulong Arroyo ang uupong chairman ng merger dahil sa pagiging senior official ng pinagsa­nib na Lakas at Kampi.

Kaugnay nito, iniharap ni Cebu Cong. Pablo Garcia ang joint resolution number 01 para sa merger na pir­mado­ ng mga kina­tawan ng magkabilang partido.

Naging emosyonal na­man si House Speaker Pros­pero Nograles sa kanyang pagpapaalam sa partido Lakas na 17 taon nitong kinaaniban. Ani Nograles, magi­ging bahagi na lamang ng kasaysayan ang Lakas pero tinatang­gap naman nila ang pag­ka­panganak ng isang ani­ya’y mas malakas na partido.

Sa panig naman ni Kampi national chairman Ronaldo Puno, binigyang-diin nitong ang merger ay pagsasak­ripisyo ng sariling interes para maisulong ang mas malawak na kapaka­nan ng bansa.

Binale­wala naman ng ilang kaal­yado ng admi­­nis­trasyon ang pagtiwalag ni dating Kampi President at Camarines Sur Cong. Luis Villafuerte.

Ayon sa mambabatas, nakakapanghinayang ang pagkalas ng dating Kampi President, ngunit maaaring hindi lamang gusto ni Villa­fuerte na maging opisyal ng bagong partido o ma­aring hindi nito na­gustuhan ang pagsasanib ng dala­wang partido.

Dahil sa merger, uma­abot na sa 150 na mga mi­yembro ng Kamara ang kaalyado ni Pangulong Arroyo. (Butch Quejada/Doris Franche/Rudy Andal)