LTO umaray sa 'kotong'

MANILA, Philippines – Umalma ang mga District Officials sa umano’y panggigipit na ginagawa ng mga pulis ng Land Transportation Office dahil sa umano’y ling­guhang pa­ ngo­ngotong ng mga ito.

Sinabi ng isang district officer na di nagpabanggit ng pangalan na hinihi­ngan sila ng mga Ito ng P10,000 tuwing linggo kahit alam ng mga Ito na wala silang Ibang pinag­kukunan ng kita kundi ang kanilang sahod.

Kasama anila sa tara ang pagbebenta nila ng insurance policy sa mga magrerehistro ng sasak­yan sa kanilang tang­gapan gayung hindi na­man nila umano ito tra­baho at Ito ay illegal dahil karapatan ng car owner ang pumili ng ka­ni­lang Insurance company.

Una rito, umalma na rin ang mga legitimate Private emission test centers, drug testing center owners, IT-Petc providers at ilan pang may negosyo sa LTO sa umano’y pang­haharas na ng mga pulis na umano’y humihingi ng lagay sa kanila.

Bunsod nito’y, iniutos ni LTO Chief Arturo Lo­mibao na imbestigahan ang responsable sa na­turang pangongotong. ipinag-utos na din ni Senador Miguel Zubiri kay Department of Transportation and Communication Undersecretary Anneli Lontoc na isumite ang report hinggil sa pag­sugpo sa mga tiwaling PETC na nagsasagawa ng non-appearance at luma­labag sa Clean Air Act. (Butch Quejada)