Reklamo ng ex-receptionist laban kay Pacman ibinasura

MANILA, Philippines – Dinismis kahapon ng Quezon City Prosecu­tor’s Office ang rekla­mong iniharap ng isang dating receptionist laban kay People’s Champ Manny Pacquiao na na­karelas­yon umano ng babae.

Sinabi ni Assistant City Prosecutor Maria Gracia Cadis Casaclang na hindi sapat na ebi­den­sya ang litratong nagpa­pakita kay Pac­quiao na kasama ang nagrekla­mong si Joan­na Bacusa at ang isang anak umano rito ng bok­singero.

Sinabi pa sa resolus­yong nilagdaan ni Ca­sac­lang noong Mayo 2 na hindi maaaring ga­miting ebidensiya ang nasabing litrato para masabing nagkaanak si Pacquiao sa ibang ba­bae.

Ikinatuwiran ng pro­se­cution na kahit na sinong babae at anak nito ay maaaring mag­pa­kuha ng litrato ka­sama si Pac­quiao ngunit hindi ito magpapatibay na asawa at anak ng huli maliban sa misis nitong si Jinkee at apat na anak.

Maging ang pagbibi­gay ni Pacquiao ng uma­no’y tulong pinan­siyal sa mag-inang Ba­cusa ay hindi din mag­papatibay na anak ni Pacman ang bata.

Batay sa record, isi­nampa ni Bacusa ang reklamong paglabag sa Anti-Violence Against Women and their Children laban kay Pac­quiao nang putulin uma­no nito ang sustento sa bata.

Si Bacusa, dating receptionist sa City Square KTV Bar sa Malate, May­nila ay nagkaron umano ng relasyon kay Pacman noong April 18, 2003 hanggang sa nagkaroon ng anak ang huli sa una. (Perseus Echeminada)