Chess sama na rin sa aralin ng DepEd

MANILA, Philippines - Isasama na rin nga­yon ng Department of Education (DepEd) ang pagtuturo ng paglalaro ng “chess” sa lahat ng pam­publikong elementarya at high school sa buong ban­sa sa layuning ma­ging numero 1 ang Pilipi­ nas sa naturang larangan sa buong mundo.

Ito’y matapos na isang “memorandum of agreement” ang pirmahan nina Education Secretary Jesli Lapus at National Chess Federation of the Philippines (NCFP) president Prospero Pichay sa pag­papasok ng chess sa education system. 

Ituturo ito sa elemen­tarya mula sa ikatlo hang­gang ikaanim na baitang sa ilalim ng araling Edu­kasyon sa Pagpapalakas ng Katawan at sa apat na baitang ng high school sa ilalim naman ng araling Physical Education.

Sinabi ni Lapus na napatunayan na ang pag­lalaro ng chess sa mu­rang edad ay nakaka­tulong sa paghasa ng kaisipan ng isang bata, mas tumataas ang marka at mas madaling maka­intindi ng mga aralin. (Danilo Garcia)