Villar pinayuhang mag-resign

MANILA, Philippines – Pinayuhan kahapon ni Senador Panfilo “Ping” Lac­son si Senador Manny Villar na magbitiw na lang sa puwesto bilang mam­babatas kung tatanggi pa rin itong humarap sa committee of the whole na siya nang mag-iimbestiga sa P1.2 bilyong right of way ng C-5 Road project.

Ipinasya ng mataas na kapulungan na buuin ang sarili nito bilang Committee of the Whole ma­karaang kuwestyunin at tanggihan ni Villar ang awtoridad ng Senate Ethics Committee na nau­nang naatasang magsi­ya­sat sa double insertion sa C-5 budget na kan­yang kinasangkutan.

Sinabi ni Lacson na kung natatakot si Villar na humarap sa Committee of the Whole, pu­ wede na itong magbitiw sa pu­westo upang ma­kaiwas sa pag­tatanong ng mga kasama­hang senador.

Samantala, sinabi ni Senate President Juan Ponce Enrile na ninais niya na bukas o Huwebes si­mulan ang pagdinig ng committee of the whole na kanya ring pamu­munuan.

Kampante si Enrile na dadalo sa hearing ang lahat ng senador at hindi ito iisnabin ni Villar upang linisin ang kan­yang pa­ngalan mula sa mga aku­sasyon. (Malou Escudero)