$5-milyong ransom hingi sa 2 ICRC workers

MANILA, Philippines - Humihingi umano ng $5 milyong ransom ang mga bandidong Abu Say­yaf Group (ASG) kapalit ng pagpapalaya sa dalawa pang nalalabing bihag na miyembro ng International Committee of the Red Cross (ICRC) sa lalawigan ng Sulu.

Ito ang nabatid kaha­pon base sa dokumentong napasakamay ng mga mediamen sa Defense Press Corps.

Sa nasabing doku­mento ay nakumpirma ring nagbayad ng P20 milyong ransom para mapalaya si ABS-CBN reporter Ces Drilon at dalawa nitong crew na dinukot noong Hunyo 8, 2008 ng mga bandido sa Maimbung, Sulu.

Ang pagdukot sa 3 ICRC member at sa ABS–CBN news team ay pa­wang isinagawa ng grupo ni Abu Sayyaf Commander Albader Parad na may $15M reward mula sa US government kapalit ng pagkakadakip o paglipol dito.

Nang hingan ng reak­syon, sinabi naman ni Lt. Col. Edgard Arevalo, spokesman ng ICRC hostage crisis na wala silang nalalaman sa sinasabing paghingi ng $5-M ransom ng Abu Sayyaf.

Nanindigan pa ang opisyal na nananatili ang ‘no ransom policy‘ ng gob­yer­no sa naturang hostage crisis. (Joy Cantos)