Gotesco umapela sa SC

MANILA, Philippines - Pormal na hiniling ni Gotesco Investment Inc. (GGI) President Jose Go ang maagap na pag-aksyon ni Supreme Court (SC) Chief Justice Rey­nato S. Puno sa kaso ng Ever Gotesco Grand Cen­tral Mall at Caloocan City government.

Sa kanyang liham sa SC chief, iginiit ni Go na maiha­halintulad sa isang bomba na maaaring su­ma­bog anumang oras ang sitwasyon sa nasabing shopping mall lalo’t may impormasyon silang na­ka­lap na deter­ minado umano ang Caloocan City Government na kunin ang pamamahala nito.

Partikular na pina­titig­nan ng GGI ang March 6, 2009 decision ni Caloo­can RTC Branch 126 Judge Oscar Bar­rientos na pu­mabor sa petisyon ng Caloocan City Government na kunin nito ang naturang shopping mall.

Subalit binigyan-diin ni Go na nauna rito ay nag­palabas ng injunction order ang Manila RTC no­ong Dis­ yembre 24 ng na­karaang taon na pumipigil sa mga opisyal o sinu­mang kinatawan ng nasabing lokal na pamahalaan na i-take over o ipasara ang Gotesco mall.

Dahil ibinasura ng Ma­nila RTC ang mosyon ng Caloocan City government para ipawalang-say­­­say ang injunction order at hindi rin ito dumulog sa Court of Appeals (CA) na­niniwala si Go na may bisa pa rin ang nasabing kautusan pabor sa kanila.

Habang wala pang desisyon ang CA sa ka­nilang petisyon na nagpa­pawalang-saysay sa de­sisyon ni Barrientos, hini­ling din ng GGI na mag­pa­labas muna ng ‘status quo order’ ang high tribunal. (Butch Quejada)